1.କେନ୍ଦ୍ର ସରକାର ଶନିବାର ରାତିରେ ଜଷ୍ଟିସ୍‌ ସଞ୍ଜୟ କୁମାର ଅଗ୍ରୱାଲଙ୍କୁ ରାଜସ୍ଥାନ ହାଇକୋର୍ଟର ମୁଖ୍ୟ ବିଚାରପତି ଭାବେ ନିଯୁକ୍ତି ଦେଇଛନ୍ତି। 

2.ଭାରତୀୟ ପରିବାରଗୁଡ଼ିକ କେବଳ ବ୍ୟାଙ୍କ ଜମା ଉପରେ ନିର୍ଭର ନ କରି ମ୍ୟୁଚୁଆଲ୍ ଫଣ୍ଡ, ସେୟାର ବଜାର, ପେନ୍‌ସନ୍ ଫଣ୍ଡ ଓ ଅନ୍ୟାନ୍ୟ ନିବେଶ ବିକଳ୍ପ ଆଡ଼କୁ ଢଳିଛନ୍ତି। ଫ୍ରାଙ୍କଲିନ୍ ଟେମ୍ପଲଟନ୍ ଇଣ୍ଡିଆ ମ୍ୟୁଚୁଆଲ୍ ଫଣ୍ଡର ଏକ ରିପୋର୍ଟରେ ଏହି ପରିବର୍ତ୍ତନର ଚିତ୍ର ସାମ୍ନାକୁ ଆସିଛି।

3.ଚଳିତ ମାସ ୧୨ ତାରିଖରେ ହେବାକୁ ଥିବା ଜିଏସଟି ପରିଷଦ ବୈଠକ  ଆସନ୍ତା ଅକ୍ଟୋବର ୭କୁ ଘୁଞ୍ଚିପାରେ। ସେପ୍ଟେମ୍ବର ୧୨-୧୩ରେ ବ୍ରିକ୍‌ସ ଲିଡର୍ସ ସମ୍ମିଳନୀ ଅନୁଷ୍ଠିତ ହେବ।

4.ଖୋର୍ଦ୍ଧା କଟକ, ପୁରୀ ଓ ଜଗତସିଂପୁର -ଏହି ୪ଟି  ଜିଲ୍ଲା ଏବଂ ଏହା ଅନ୍ତର୍ଭୁକ୍ତ  ୧୯ଟି ସହରାଂଚଳକୁ  ନେଇ ଗଠିତ ଏହି ଅର୍ଥନୈତିକ ଅଞ୍ଚଳକୁ ଏକ ସମାବେଶୀ, ବାସଯୋଗ୍ୟ ଓ ସ୍ଥାୟୀ ଅର୍ଥନୈତିକ ଅଞ୍ଚଳ ଭାବେ ଗଢ଼ି ତୋଳିବାର ଲକ୍ଷ୍ୟ ରହିଛି । ଏହି ପ୍ରକଳ୍ପ ଯୋଗେ ୪୦ ଲକ୍ଷରୁ ଅଧିକ ଅଣ-କୃଷି ନିଯୁକ୍ତି ଏବଂ ୪୦୦ ବିଲିୟନ୍ ଡଲାରରୁ ଅଧିକ କର୍ପୋରେଟ୍ ନିବେଶର ଲକ୍ଷ୍ୟ ରଖାଯାଇଛି ।

5.ପ୍ରଧାନମନ୍ତ୍ରୀ ଜନଧନ ‌ଯୋଜନା ଅଧୀନରେ ଖୋଲାଯାଇଥିବା ବ୍ୟାଙ୍କ ଖାତାଗୁଡିକ ମଧ୍ୟରୁ ପ୍ରତି ଚତୁର୍ଥ ଖାତା ଅଚଳ ରହିଛି। ଅର୍ଥାତ ସେହି ଖାତାରେ କୌଣସି କାରବାର ହେଉନାହିଁ। ପ୍ରାୟ ୫.୭୨ ଜନଧନ ଖାତାରେ କୌଣସି ଜମାରାଶି ନାହିଁ 

6.ସାତ ତାରିଖରୁ ଆରମ୍ଭ ହେଉଥିବା ସପ୍ତାହରେ ୧୧ଟି ସଂସ୍ଥା ନିଜର ଇନିସିଆଲ ପବ୍ଲିକ୍‌ ଅଫରିଂ (ଆଇପିଓ) ଜାରି କରିବେ। ରେଣ୍ଟୋମୋଜୋ, କରମତାରା ଇଞ୍ଜିନିୟରିଂ ଓ କାନୋହର ଇଲେକ୍ଟ୍ରିକାଲ୍‌ସ ଭଳି ସଂସ୍ଥା ଆଇପିଓ ଜରିଆରେ ଷ୍ଟକ୍‌ ବଜାରରୁ ୭,୦୫୫ କୋଟି ଟଙ୍କା ସଂଗ୍ରହ କରିବାକୁ ଲକ୍ଷ୍ୟ ରଖିଛନ୍ତି।

7.ଚଳିତ ବର୍ଷ ଅଗଷ୍ଟରେ ବିକ୍ରି ହୋଇଥିବା ମୋଟ୍‌ କାର୍‌ ମଧ୍ୟରୁ ୪୨ ପ୍ରତିଶତ ହେଉଛି ସିଏନ୍‌ଜି, ହାଇବ୍ରିଡ୍‌ ଓ ଇଲେକ୍ଟ୍ରିକ ଯାନ (ଇଭି)। 

8.ଆଫ୍ରିକୀୟ ଦେଶ ଡିଆର କଙ୍ଗୋର କିନସାସାଠାରେ ଆୟୋଜିତ ଏକ ଭବ୍ୟ ବାହାଘର ପାର୍ଟିରେ ଅଗ୍ନିକାଣ୍ଡ ଘଟି ୨୨ ଜଣ ଜୀବନ୍ତ ଦଗ୍ଧ ହୋଇଯାଇଛନ୍ତି ।

9.ବିହାର ଓ ଝାଡ଼ଖଣ୍ଡରେ ପ୍ରବଳ ବର୍ଷା ଲାଗିରହିଥିବାରୁ ନଦୀଗୁଡ଼ିକ ବିପଦ ସଙ୍କେତ ଉପରେ ପ୍ରବାହିତ ହେବା ସହ ୨୨ ଲକ୍ଷରୁ ଊର୍ଦ୍ଧ୍ୱ ଲୋକ ବନ୍ୟା ପ୍ରଭାବିତ ହୋଇଛନ୍ତି।

10.ତାମିଲନାଡୁର ତିରୁପତ୍ତୁର ଜିଲାରୁ ଏକ ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି । ୫ ବର୍ଷ ଓ ୩ ବର୍ଷ ବୟସର ଦୁଇ ଶିଶୁଙ୍କୁ କୂଅରେ ଫିଙ୍ଗି ହତ୍ୟା କରାଯାଇଥିବା ମାମଲାରେ ପୋଲିସ ଶିଶୁଙ୍କ ମା’ ଓ ତାଙ୍କ ପ୍ରେମିକଙ୍କୁ ଗିରଫ କରିଛି। ଶିଶୁମାନେ ନିଜ ସମ୍ପର୍କରେ ବାଧା ବୋଲି ଭାବି ଏଭଳି ଷଡ଼ଯନ୍ତ୍ର କରିଥିବା ଅଭିଯୋଗ ହୋଇଛି।

11.ଇଣ୍ଡୋନେସିଆର ଅନକ କ୍ରକାତାଉ ଆଗ୍ନେୟଗିରିରୁ ରବିବାର ଭୋର ସମୟରେ ଲାଭା ଉଦ୍‌ଗିରଣ ହୋଇଛି। ଲାଭା ପାଉଁଶ ପଶ୍ଚିମ ଇଣ୍ଡୋସେନିଆ ଆକାଶକୁ ଛାଇଯାଇଥିବାରୁ ଜାକର୍ତ୍ତାର ସୁକର୍ଣ୍ଣୋ-ହାଟ୍ଟା ଅନ୍ତର୍ଜାତୀୟ ବିମାନବନ୍ଦରରୁ ସମସ୍ତ ବିମାନ ଉଡ଼ାଣକୁ ବାତିଲ କରିଦିଆଯାଇଛି।

12.ଦିଲ୍ଲୀର ଜବାହରଲାଲ ନେହେରୁ ୟୁନିଭର୍ସିଟିର ଜଣେ ପ୍ରଫେସରଙ୍କ ବିରୋଧରେ ୧୧ ଜଣ ଛାତ୍ରୀ ଯୌନ ନିର୍ଯାତନା ଅଭିଯୋଗ ଆଣିଛନ୍ତି। ଏହି ଅଭିଯୋଗ ମେ’ ମାସରେ ବିଶ୍ୱବିଦ୍ୟାଳୟର ଆଭ୍ୟନ୍ତରୀଣ ଅଭିଯୋଗ କମିଟି ନିକଟରେ ଦାଖଲ ହୋଇଥିବା ଜଣାପଡ଼ିଛି।

13.ଆମେରିକାର ଫ୍ଲୋରିଡାର ମିଆମି ଅନ୍ତର୍ଜାତୀୟ ବିମାନବନ୍ଦରର ରନୱେ ନିକଟରେ ଏକ ଆମାଜନ କାର୍ଗୋ ବିମାନ ଦୁର୍ଘଟଣାଗ୍ରସ୍ତ ହୋଇଛି।

14.ମଧ୍ୟପ୍ରଦେଶର ସାଗର ଜିଲ୍ଲାରେ ରବିବାର ବିଷାକ୍ତ ମଦ ପିଇ ୧୦ ଜଣଙ୍କରମୃତ୍ୟୁ ଘଟିଥିବାବେଳେ ୨୦ରୁ ଅଧିକ ଲୋକ ଅସୁସ୍ଥ ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି।

15.ପଞ୍ଜାବରେ ଚଳିତ ବର୍ଷ ସ୍ୱାଇନ୍‌ ଫ୍ଲୁରେ ପ୍ରଥମ ସନ୍ଦିଗ୍ଧ ମୃତ୍ୟୁ ଘଟିଛି। ଜଲନ୍ଧରର ୮୫ ବର୍ଷୀୟ ମୂଲ ରାଜ  ଏଚ୧ଏନ୧ ପଜିଟିଭ୍‌ ଚିହ୍ନଟ ହେବା ପରେ ଚିକିତ୍ସାଧୀନ ଅବସ୍ଥାରେ ଶୁକ୍ରବାର ପ୍ରାଣ ହରାଇଛନ୍ତି।