1.ଭୋଟ ପରିଚାଳନା କରୁଥିବା ପଦାଧିକାରୀ ଯଦି ପ୍ରାର୍ଥୀମାନଙ୍କ ଉପରେ ନିର୍ଭର କରନ୍ତି, ତେବେ ନିର୍ବାଚନ ନିରପେକ୍ଷ ହୋଇପାରିବ ନାହିଁ ବୋଲି ସୁପ୍ରିମକୋର୍ଟ ବିଚାରପତି ଜଷ୍ଟିସ୍‌ ବି.ଭି. ନାଗରତ୍ନା କହିଛନ୍ତି।

2.କେନ୍ଦ୍ର କୋଇଲା ମନ୍ତ୍ରାଳୟ ପକ୍ଷରୁ ଝାରସୁଗୁଡ଼ା ଜିଲ୍ଲାରେ ଇତିମଧ୍ୟରେ ଆଉ ୩ ନୂଆ କୋଇଲା ଖଣି ଚିହ୍ନଟ କରାଯାଇଛି। ଏଥିରୁ ଗୋଟିଏ ଖଣିର ଜଙ୍ଗଲ ଜମି ଅଧିଗ୍ରହଣ ପ୍ରକ୍ରିୟା ଶେଷ ପର୍ଯ୍ୟାୟରେ ପହଞ୍ଚିଲାଣି।

3.ଝାରସୁଗୁଡ଼ାର ଲଖନପୁରରେ ସ୍ଥାପନ ହେବାକୁ ଯାଉଥିବା କୋଲ୍‌ ଗ୍ୟାସିଫିକେସନ ପ୍ରକଳ୍ପ ହେଉଛି ।  ଭାରତକୁ ଗ୍ୟାସ୍‌ କ୍ଷେତ୍ରରେ ଆତ୍ମନିର୍ଭରଶୀଳ କରିବାରେ ସହାୟକ ହେବ ।

4.ମଧ୍ୟପ୍ରାଚ୍ୟ ଯୁଦ୍ଧ ଥମିବାର ନା ନେଉନଥିବାବେଳେ ଏୟାର ଇଣ୍ଡିଆ ପକ୍ଷରୁ ମେ’ ୩୧ ପର୍ଯ୍ୟନ୍ତ ଇସ୍ରାଏଲକୁ ବିମାନସେବା ସ୍ଥଗିତ ରଖାଯାଇଛି। ଫଳରେ ଇସ୍ରାଏଲରେ ବାସ କରୁଥିବା ପ୍ରାୟ ୪୦ ହଜାର ଭାରତୀୟ ସ୍ଵଦେଶ ଆସିବାରେ ଅସୁବିଧାର ସମ୍ମୁଖୀନ ହେଉଛନ୍ତି।

5. ଭୁବନେଶ୍ଵର ମେ‌ଟ୍ରା ପ୍ରକଳ୍ପର ପ୍ରଥମ ପର୍ଯ୍ୟାୟ କାର୍ଯ୍ୟ ପାଇଁ ୨୭୨ କୋଟି ଖର୍ଚ୍ଚ ହୋଇଥିଲା। ହେଲେ ସରକାର ବଦଳିବା ପରେ ଆନ୍ତଃ ମନ୍ତ୍ରୀସ୍ତରୀୟ କମିଟି ରିପୋର୍ଟକୁ ଆଧାର କରି ଏହି ପ୍ରକଳ୍ପକୁ ଏବେ ବନ୍ଦ କରିଦିଆଯାଇଛି। ଏହା ବଦଳରେ ଭୁବନେଶ୍ବର-ପୁରୀ-ପାରାଦୀପ-କଟକକୁ ନେଇ ବିସ୍ତୃତ ସଡ଼କ ଯୋଜନା କରାଯାଇଛି।

6.କୋରାପୁଟ କଳାଜିରା ଧାନକୁ ଜିଆଇ ଟ୍ୟାଗ ମାନ୍ୟତା ମିଳିଛି । କୋରାପୁଟ ହଳଦୀର ବେଶ ଚାହିଦା ଥିବାରୁ ଏହାକୁ ଜିଆଇ ଟ୍ୟାଗ ମାନ୍ୟତା ଦେବାକୁ ବିଭିନ୍ନ ମହଲରୁ ଦାବି ହୋଇଛି ।

7.ଭାରତର ଜିଡିପି (ମୋଟ ଘରୋଇ ଉତ୍ପାଦ) ଅଭିବୃଦ୍ଧି ୨୦୨୬-୨୭ ଆର୍ଥିକବର୍ଷରେ ୬ ପ୍ରତିଶତକୁ କମିଯିବ। ଆମେରିକାର ମୁଡିସ୍‌ ରେଟିଂ ଏହି ଆକଳନ କରିଛି।

8.କେନ୍ଦ୍ର ସରକାରଙ୍କ ବନ୍ଦର, ଜାହାଜ ଚଳାଚଳ ଓ ଜଳମାର୍ଗ ମନ୍ତ୍ରାଳୟ ଅଧୀନରେ ଥିବା ଦେଶର ପ୍ରମୁଖ ବନ୍ଦରଗୁଡ଼ିକ ୨୦୨୫-୨୬ ଆର୍ଥିକବର୍ଷରେ ମୋଟ ୯୧୫.୧୭ ନିୟୁତ ଟନ୍‌ ମାଲ୍‌ ପରିବହନ କରିଛନ୍ତି।

9.ସମୁଦ୍ରରେ ମାଲ ପରିବହନ ଓ ବୀମା ଖର୍ଚ୍ଚ ମଧ୍ୟ ବଢ଼ିଯାଇଛି। ଏଥିସହିତ ପ୍ଲାଷ୍ଟିକ୍‌ ଦରଠାରୁ ଆରମ୍ଭ କରି ମେମୋରି ଚିପ୍‌ (ରାମ୍‌) ଦର ବଢ଼ିଯିବାରୁ ଟିଭି ଶିଳ୍ପ ପ୍ରଭାବିତ ହୋଇଛି।

10.ଏକ ମାମଲାର ଶୁଣାଣି ସମୟରେ, ସୁପ୍ରିମକୋର୍ଟର ବିଚାରପତି ସଞ୍ଜୟ କାରୋଲ ଏବଂ ଏନ. କୋଟିଶ୍ୱର ସିଂହଙ୍କ ଖଣ୍ଡପୀଠ କହିଥିଲେ ଯେ ଭାରତରେ ମହିଳାମାନଙ୍କ ବିରୁଦ୍ଧରେ ଅପରାଧ ରୋକିବା ପାଇଁ ପର୍ଯ୍ୟାପ୍ତ ଆଇନ ଅଛି। ଏହା ସତ୍ତ୍ୱେ, ହିଂସା ଘଟଣା ହ୍ରାସ ପାଉନାହିଁ।

11.ଆମେରିକାର ବିବାଦୀୟ ଯୌନ ଅପରାଧୀ ଜେଫ୍ରି ଏପ୍‌ଷ୍ଟିନଙ୍କ ସହ ଶିଳ୍ପପତି ଅନିଲ ଅମ୍ବାନୀ ଯୋଗା‌ଯୋଗରେ ଥିଲେ। ଉଭୟଙ୍କ ମଧ୍ୟରେ ଦୁଇବର୍ଷ ପର୍ଯ୍ୟନ୍ତ ଶତାଧିକ ମେସେଜ୍‌ ଓ ଇମେଲ୍‌ ଆଦାନପ୍ରଦାନ ହୋଇଥିବା ନେଇ ନ୍ୟୁୟର୍କ ଟାଇମ୍‌ସର ଏକ ଖବରରେ ଦାବି କରାଯାଇଛି।

12.ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନକୁ ପୁଣି ଧମକ ଦେଇଛନ୍ତି। ହର୍ମୁଜ ପ୍ରଣାଳୀ ଖୋଲିବା ପାଇଁ ଇରାନକୁ ୧୦ ଦିନର ଅଲ୍ଟିମେଟମ ଦେଇଥିଲେ ଟ୍ରମ୍ପ । ଯାହା ଧିରେ ଧିରେ ଶେଷ ଶେଷ ହେବାକୁ ଯାଉଛି। 

13.ଆମେରିକା ଶେଷରେ ଦ୍ଵୀତୀୟ ପାଇଲଟଙ୍କୁ ଉଦ୍ଧାର କରିଛି । ଉଭୟ ପାଇଲଟଙ୍କ ସୁରକ୍ଷିତ ଉଦ୍ଧାର ସମ୍ପର୍କରେ ସୂଚନା ମିଳିଛି ।

14.ଦକ୍ଷିଣ ଲେବାନନ ଏବଂ ରାଜଧାନୀ ବେରୁତରେ ଇସ୍ରାଏଲୀ ଆକ୍ରମଣ କରିଛି। ଏଥିରେ ଅତି କମରେ ୧୫ ଜଣଙ୍କର ମୃତ୍ୟୁ ହୋଇଛି।

15. ମଧ୍ୟପ୍ରାଚ୍ୟ ଯୁଦ୍ଧ ଯୋଗୁଁ ଯେଉଁ ତୈଳ ସମସ୍ୟା ଉପୁଜିଛି, ସେହି ପରିପ୍ରେକ୍ଷୀରେ ନେପାଳ ସରକାର ସପ୍ତାହକୁ ଦୁଇ ଦିନ ସରକାରୀ ଛୁଟି ଘୋଷଣା କରିଛନ୍ତି।