୧.କେନ୍ଦ୍ର ଗୃହମନ୍ତ୍ରୀ ଅମିତ ଶାହ ରାଜ୍ୟସଭାରେ କହିଛନ୍ତି,  ୨୦୨୬ ମାର୍ଚ୍ଚ ୩୧ ସୁଦ୍ଧା ଦେଶରେ ନକ୍ସଲବାଦ ଶେଷ ହେବ।  

୨.ମହାରାଷ୍ଟ୍ରର ମାଲେଗାଓଁକୁ ଅତି ଶକ୍ତିଶାଳୀ ବିସ୍ଫୋରଣ ଦୋହଲାଇ ଦେବାର ଦୀର୍ଘ ୧୭ ବର୍ଷ ପରେ ଏହି ମାମଲାରେ ପୂର୍ବତନ ବିଜେପି ସାଂସଦ ପ୍ରଜ୍ଞା ସିଂହ ଠାକୁର ଏବଂ ଲେଫ୍ଟନାଣ୍ଟ କର୍ନେଲ୍‌ ପ୍ରସାଦ ପୁରୋହିତଙ୍କ ସମେତ ସମସ୍ତ ୭ ଅଭିଯୁକ୍ତ ଦୋଷମୁକ୍ତ ହୋଇଛନ୍ତି।

୩.ଆମେରିକା ନୌସେନାର ଏଫ୍‌-୩୫ ଯୁଦ୍ଧ ବିମାନ ଆଜି ଲିମୋର୍‌ ନୌସେନା ଘାଟି ନିକଟରେ ଦୁର୍ଘଟଣାଗ୍ରସ୍ତ ହୋଇ ଖସି ପଡ଼ିଛି। 

 ୪.୧୯ କିଲୋଗ୍ରାମ ବ୍ୟବସାୟିକ ଗ୍ୟାସ ସିଲିଣ୍ଡରର ମୂଲ୍ୟରେ ୩୩ ଟଙ୍କା ୫୦ ପଇସା ହ୍ରାସ ଘୋଷଣା କରିଛନ୍ତି। ବ୍ୟବସାୟିକ ଗ୍ୟାସ ସିଲିଣ୍ଡରର ନୂତନ ମୂଲ୍ୟ ଅଗଷ୍ଟ ୧ ରୁ ଲାଗୁ ହେବ।

୫.ସଡ଼କ ପରିବହନ ଏବଂ ରାଜପଥ ମନ୍ତ୍ରଣାଳୟ ଲୋକସଭାରେ କହିଛନ୍ତି ଯେ ଦେଶର ୧୦୮୭ଟି ଟୋଲ୍ ପ୍ଲାଜାରୁ ପ୍ରତିଦିନ ୧୬୮ କୋଟି ଟଙ୍କା ରୋଜଗାର ହେଉଛି।

୬.ରେଳ ମନ୍ତ୍ରଣାଳୟର ୪ଟି ଗୁରୁତ୍ବପୂର୍ଣ୍ଣ ପ୍ରକଳ୍ପକୁ ମଞ୍ଜୁର କରାଯାଇଛି। ଏସବୁ ପ୍ରକଳ୍ପ ପାଇଁ ୧୧,୧୬୯ କୋଟି ଟଙ୍କା ଖର୍ଚ୍ଚ କରାଯିବ। ଏହି ରେଳ ପ୍ରକଳ୍ପ ଗୁଡ଼ିକ ହେଲା: ଇଟାର୍ସି-ନାଗପୁର ଚତୁର୍ଥ ଲାଇନ, ଛତ୍ରପତି ଶମ୍ଭାଜିନଗର (ଔରଙ୍ଗାବାଦ)-ପରଭଣୀ ଲାଇନ ଦୋହରୀକରଣ, ଆଲୁଆବାରି ରୋଡ୍-ନ୍ୟୁ ଜଲପାଇଗୁଡ଼ି ତୃତୀୟ ଓ ଚତୁର୍ଥ ଲାଇନ, ଡାଙ୍ଗପୋଷୀ-ଜରୋଲି ତୃତୀୟ ଓ ଚତୁର୍ଥ ଲାଇନ । ଏହାଦ୍ବାରା ଓଡ଼ିଶା ସମେତ ୬ଟି ରାଜ୍ୟର ୧୩ଟି ଜିଲ୍ଲା ଉପକୃତ ହେବେ।

୭.ଜାତୀୟ କୀଟ ବାହିତ ରୋଗ ନିୟନ୍ତ୍ରଣ କାର୍ଯ୍ୟକ୍ରମ(ଏନ୍‌ଭିବିଡିସିପି) ସୂତ୍ରରୁ ମିଳିଥିବା ସୂଚନା ଅନୁସାରେ, ଚଳିତବର୍ଷ ମେ’ ସୁଦ୍ଧା ଦେଶରେ ୬୪ହଜାର ୨୪୫ଜଣ ମ୍ୟାଲେରିଆରେ ଆକ୍ରାନ୍ତ ହୋଇଥିଲେ। ତହିଁରୁ ଓଡ଼ିଶାରୁ କେବଳ ୨୪୪୭୨ଜଣ ରୋଗୀ ରହିଛନ୍ତି। ଯାହାକି ଦେଶର ସମୁଦାୟ ରୋଗୀଙ୍କ ୩୮%।

୮.ଓଡ଼ିଶା ଟିଚର ଏଲିଜିବିଲିଟି ଟେଷ୍ଟ (ଓଟିଇଟି) ପ୍ରଶ୍ନପତ୍ର ଲିକ୍‌ ଘଟଣା ପରେ ଗଣଶିକ୍ଷା ବିଭାଗର ସ୍ବଚ୍ଛତା ନେଇ ପ୍ରଶ୍ନ ଉଠିଛି। ମାଧ୍ୟମିକ ଶିକ୍ଷା ପରିଷଦ ଉପସଭାପତିଙ୍କ ଲାପ୍‌ଟପ୍‌ରୁ।

୯.କଟକରୁ ବିପୁଳ ପରିମାଣର କୋଡାଇନ୍ ମିଶ୍ରିତ କଫ୍‌ ସିରପ୍ ଜବତ ହୋଇଛି। କ୍ରାଇମ୍‌ବ୍ରାଞ୍ଚ ଏସ୍‌ଟିଏଫ୍ ବାଦାମବାଡ଼ିର ନ୍ୟୁ ଏଲ୍‌ଆଇସି କଲୋନିରେ ଏକ କୋରିଅର୍ ସଂସ୍ଥାରେ ଚଢ଼ଉ କରି ପାଖାପାଖି ୩୪ ଲକ୍ଷ ଟଙ୍କାର କଫ ସିରପ୍ ଜବତ କରିଛି।

୧୦.ଧର୍ମଗଡ଼ର ପୂର୍ବତନ ଉପଜିଲ୍ଲାପାଳ ଆଇଏଏସ୍‌ ଅଧିକାରୀ ଧୀମାନ ଚକମା ଗୁରୁବାର ସନ୍ଧ୍ୟାରେ ଜାମିନ ପାଇ ଭବାନୀପାଟଣା ଜେଲ୍‌ରୁ ବାହାରିଛନ୍ତି। ଗତ ଜୁଲାଇ ୨୪ରେ ହାଇକୋର୍ଟ ତାଙ୍କ ଜାମିନ ମଞ୍ଜୁର କରିଥିଲେ। 

୧୧.ରୁଷ୍ ସହ ଭାରତର ସମ୍ପର୍କକୁ ନେଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କଠୋର ଆଭିମୁଖ୍ୟ ଗ୍ରହଣ କରିବା ପରେ ଭାରତ ସରକାର ତେଲ କମ୍ପାନିଗୁଡ଼ିକୁ ରୁଷ୍‌ରୁ ତେଲ ନ କିଣିବାକୁ କହିଥିବା ଚର୍ଚ୍ଚା ହେଉଛି।

୧୨. ଇଣ୍ଡିଆନ୍ ମେଟାଲ୍ସ ଆଣ୍ଡ୍‌ ଫେରୋ ଆଲୟଜ୍‌ ଲିମିଟେଡ୍‌ (ଇମ୍ଫା)ର ଅଣ କାର୍ଯ୍ୟନିର୍ବାହୀ ଅଧ୍ୟକ୍ଷ ଭାବେ ଡ. ବି କେ ମିଶ୍ରଙ୍କୁ ନିଯୁକ୍ତ କରାଯାଇଛି। 

୧୩.ନୀଳାଚଳ ଇସ୍ପାତ ନିଗମ ଲିମିଟେଡ୍‌ (ଏନ୍‌ଆଇଏନ୍‌ଏଲ୍‌)କୁ ଟାଟା ଷ୍ଟିଲ୍ ସମ୍ପୂର୍ଣ୍ଣ ଅଧିଗ୍ରହଣ କରିଛି।

୧୪.ଖାଦ୍ୟ ପ୍ରକ୍ରିୟାକରଣ କ୍ଷେତ୍ର‌ର ପୁଞ୍ଜିନିବେଶ ହାସଲ କରିବାରେ ଓଡ଼ିଶା ବିଶେଷ ଅଗ୍ରଗତି ହାସଲ କରିଛି। କିଛି ବର୍ଷ ଭିତରେ ଏହି କ୍ଷେତ୍ରରେ ୬୫୦୦ କୋଟି ଟଙ୍କାରୁ ଅଧିକ ନିବେଶ କରିବା ଲାଗି ୪୦ରୁ ଅଧିକ କମ୍ପାନି ଘୋଷଣା କରିଛନ୍ତି।

୧୫.ତାମିଲନାଡୁର ଜଣେ ମହିଳା ତାଙ୍କ ଝିଅଙ୍କ ସହ ସର୍ବଭାତୀୟ ନିଟ୍‌ ପରୀକ୍ଷାରେ କୃତକାର୍ଯ୍ୟ ହୋଇଥିବା ଜଣାପଡିଛି। ଏ.ମଣିଭାନନ୍‌ ନାମ୍ନୀ ୪୯ ବର୍ଷୀୟା ଏହି ମହିଳା ବର୍ତ୍ତମାନ ଫିଜିଓଥେରାପିଷ୍ଟ ଭାବେ କାର୍ଯ୍ୟ କରୁଛନ୍ତି।