1.ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ରୁଷ୍‌-ୟୁକ୍ରେନ ଯୁଦ୍ଧର ଅନ୍ତ ଘଟାଇବାକୁ ବଡ଼ ପଦକ୍ଷେପ ନେବେ ବୋଲି ଆମେରିକା କଂଗ୍ରେସରେ ତାଙ୍କର  ଉଦ୍‌ବୋଧନରେ  ଘୋଷଣା କରିଛନ୍ତି।

2.କର୍ଣ୍ଣାଟକ ଡିଜିପି କେ ରାମଚନ୍ଦ୍ର ରାଓଙ୍କ ଝିଅ ରଣ୍ୟା ରାଓଙ୍କୁ ରାଜସ୍ୱ ଗୁଇନ୍ଦା ନିର୍ଦ୍ଦେଶାଳୟ (ଡିଆର୍‌ଆଇ) କେମ୍ପେଗୌଡ଼ା ଅନ୍ତର୍ଜାତୀୟ ବିମାନବନ୍ଦର (କେଆଇଏ)ରୁ ଗିରଫ କରିଛି। ଦୁବାଇରୁ ଆସିଥିବା ରଣ୍ୟା ୮୦୦ ଗ୍ରାମ୍ ସୁନା ଅଳଙ୍କାର ସହ ତାଙ୍କ ଦେହରେ ବେଲ୍ଟରେ ଲୁଚାଇ ରଖିଥିବା ୧୪ କେଜି ସୁନା ଇଟା ସହ ଧରାପଡ଼ିଥିଲେ। 

3.ସୁପ୍ରିମ୍‌କୋର୍ଟ ବିଚାରପତି ଜଷ୍ଟିସ୍ ବିଭି ନାଗରତ୍ନା ଏକ କାର୍ଯ୍ୟକ୍ରମରେ ଉଦ୍‌ବୋଧନ ଦେଇ  ଜନସ୍ବାର୍ଥ ମାମଲା (ପିଆଇଏଲ୍)ର ବ୍ୟାପକ ଅପବ୍ୟବହାରକୁ ନେଇ ଉଦ୍‌ବେଗ ପ୍ରକାଶ କରିଛନ୍ତି। ସେ କହିଛନ୍ତି ଯେ ଅନ୍ୟାୟର ସମାଧାନ ପାଇଁ ମୂଳତଃ ଏକ ଶକ୍ତିଶାଳୀ ଅସ୍ତ୍ର ଭାବରେ ପରିକଳ୍ପନା କରାଯାଇଥିବା ପିଆଇଏଲ୍‌ଗୁଡ଼ିକୁ ଏବେ କିଛି ଲୋକ ଅପବ୍ୟବହାର କରୁଛନ୍ତି।

4.ବହୁଦିନ ଧରି ଲିଭ୍ ଇନ୍ ସଂପର୍କରେ ରହୁଥିବା  ମହିଳା ତାଙ୍କ ସାଥୀଙ୍କ ବିରୋଧରେ ଦୁଷ୍କର୍ମ ଅଭିଯୋଗ (ବିବାହ ପ୍ରତିଶ୍ରୁତି ଆଳରେ) ଆଣିପାରିବେ ନାହିଁ ବୋଲି ସୁପ୍ରିମ୍‌କୋର୍ଟ ଏକ ରାୟରେ କହିଛନ୍ତି।

5.ଭାରତୀୟ ପ୍ରାଶାସନିକ ସେବା (ଆଇଏଏସ୍‌) ଅଧିକାରୀମାନେ ଭାରତୀୟ ପୁଲିସ ସେବା (ଆଇପିଏସ୍‌) ଓ ଭାରତୀୟ ବନ ସେବା (ଆଇଏଫ୍‌ଏସ୍‌)ଅଧିକାରୀଙ୍କ ଉପରେ ନିଜର ‘ଶ୍ରେଷ୍ଠତା’ ଦେଖାଇବାକୁ ସର୍ବଦା ଉଦ୍ୟମ କରିଥାନ୍ତି ବୋଲି ସୁପ୍ରିମକୋର୍ଟ ମୌଖିକ ମତ ରଖିଛନ୍ତି।

6.ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗତକାଲିଠାରୁ ଶୁଳ୍କ ଜରିଆରେ ବାଣିଜ୍ୟ ଲଢ଼େଇ ଆରମ୍ଭ କରିଛନ୍ତି। କାନାଡା ଓ ମେକ୍ସିକୋ ଉପରେ ୨୫ ପ୍ରତିଶତ ଓ ଚୀନ୍ ଉପରେ ୨୦ ପ୍ରତିଶତ ଶୁଳ୍କ ଲଗାଇଛନ୍ତି।

7.ରାଜ୍ୟସ୍ତରୀୟ ଜୟନ୍ତୀ ଅବସରରେ ମୁଖ୍ୟ ଅତିଥି ଭାବେ ଯୋଗଦେଇ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଛନ୍ତି ଯେ ବିଜୁ ବାବୁ ଜଣେ ଏଭଳି ବ୍ୟକ୍ତିତ୍ୱ ଥିଲେ ଯିଏ ନିଜର ସମସ୍ତ ଶିଳ୍ପକୁ ସରକାରଙ୍କୁ ଦେଇଥିଲେ। ମୁଖ୍ୟମନ୍ତ୍ରୀ କହିଛନ୍ତି, ବିଶ୍ୱ ରାଜନୈତିକ ଇତିହାସରେ ବିଜୁ ପଟ୍ଟନାୟକଙ୍କ ଭଳି ବ୍ୟକ୍ତିତ୍ୱ ବିରଳ।

8.ଭୁବନେଶ୍ୱର ପାଇଁ ଏକ ବିମାନ ଚଳାଚଳ ପୁରସ୍କାର ସ୍ୱରୂପ, ଖୁବ୍ ଶୀଘ୍ର ଦୁଇଟି ନୂତନ ସ୍ଥାନକୁ ଦୁଇଟି ନୂତନ ବିମାନ ଚଳାଚଳ କରିବ। ଦୁଇଟି ନୂତନ ବିମାନ ସେବା ଗାଜିଆବାଦ ଏବଂ ପୋର୍ଟ ବ୍ଲେୟାରକୁ ଉଡ଼ାଣ କରିବ।

9.ନିର୍ବାଚନ ପୂର୍ବ ପ୍ରତିଶ୍ରୁତିରୁ ଓହରି ଯାଇ, ବର୍ତ୍ତମାନ ଭାଜପା ନେତୃତ୍ୱାଧୀନ ଓଡ଼ିଶା ସରକାର ଓଡ଼ିଶା ହାଇକୋର୍ଟକୁ ଜଣାଇଛି ଯେ ହଜିଯାଇଥିବା ରତ୍ନ ଭଣ୍ଡାର ଚାବି ସମ୍ପର୍କରେ ଜଷ୍ଟିସ ରଘୁବୀର ଦାସ ତଦନ୍ତ କମିଶନଙ୍କ ରିପୋର୍ଟ ସାର୍ବଜନୀନ କରାଯାଇପାରିବ ନାହିଁ।

10.ଦୀର୍ଘବର୍ଷ ଧରି ଜାରି ରହିଥିବା କୋଲ୍ଡ ଡ୍ରିଙ୍କ୍‌ ଓ୍ବାର ଚଳିତ ବର୍ଷ ବିଜ୍ଞାପନ ଯୁଦ୍ଧରେ ପରିଣତ ହୋଇଛି। କୋକା-କୋଲା ଏବଂ ପେପ୍ସିକୋ ମଧ୍ୟରେ ଦୀର୍ଘକାଳୀନ ପ୍ରତିଦ୍ୱନ୍ଦ୍ୱିତା ଏହି ବର୍ଷ ପୁଣି ମୁଣ୍ଡ ଟେକିଛି।

11.ଜେନେରେଟିଭ ଆର୍ଟିଫିସିଆଲ ଇଣ୍ଟେଲିଜେନ୍ସ(ଏଆଇ) ଭାରତୀୟ କମ୍ପାନୀଗୁଡିକ ପାଇଁ ଗୁରୁତ୍ୱପୂର୍ଣ୍ଣ ହୋଇପଡ଼ିଛି। ମାତ୍ର ଟେକ୍ନୋଲୋଜିର ସମ୍ପୂର୍ଣ୍ଣ ଫାଇଦା ନେବାକୁ ବଡ଼ କମ୍ପାନୀଗୁଡ଼ିକ ଠିକ୍‌ ଏଆଇ କୌଶଳ ଏବଂ ଆନୁଷଙ୍ଗିକ ଦକ୍ଷତାପୂର୍ଣ୍ଣ କର୍ମଚାରୀ ଖୋଜିବା କଷ୍ଟ ହୋଇପଡ଼ିଛି।

12.ମାତ୍ର ଦୁଇ ମାସ ମଧ୍ୟରେ ଏହି କ୍ଷତି ଯୋଗୁଁ, LICର ପୋର୍ଟଫୋଲିଓ, ଯାହା ଡିସେମ୍ବର 2024 ରେ 14.9 ଲକ୍ଷ କୋଟି ଟଙ୍କା ଥିଲା, ଫେବୃଆରୀ ଶେଷ ଦିନରେ ଏହା 13.4 ଲକ୍ଷ କୋଟି ଟଙ୍କାକୁ ହ୍ରାସ ପାଇଛି।

13.ମିଳିବ ସୁଭଦ୍ରାର ପ୍ରଥମ କିସ୍ତିର ୫ମ ପର୍ଯ୍ୟାୟ ଟଙ୍କା।  ପ୍ରଥମ କିସ୍ତିର ପଞ୍ଚମ ପର୍ଯ୍ୟାୟରେ ୧ଲକ୍ଷ ୭୦ହଜାର ମହିଳାଙ୍କୁ ୫ହଜାର ଟଙ୍କା ଲେଖାଏଁ ମିଳିବ। ମାର୍ଚ୍ଚ ୮ ଅନ୍ତର୍ଜାତୀୟ ମହିଳା ଦିବସରେ ଦ୍ବିତୀୟ କିସ୍ତିରେ ପ୍ରାୟ ୧ କୋଟି ହିତାଧିକାରୀଙ୍କୁ ଅର୍ଥ ପ୍ରଦାନ କରାଯିବ।

14.ଆସନ୍ତା ଶୁକ୍ରବାରଠାରୁ ବିଧାନସଭା ବଜେଟ ଅଧିବେଶନର ଦ୍ବିତୀୟ ପର୍ଯ୍ୟାୟ ଆରମ୍ଭ ହୋଇ ଏପ୍ରିଲ ୫ତାରିଖ ପର୍ଯ୍ୟନ୍ତ ଚାଲିବ। ଏହି ଅଧିବେଶନ କାଳରେ ଖର୍ଚ୍ଚ ଦାବି ଆଲୋଚନା ସହିତ ବ୍ୟୟମଞ୍ଜୁରୀ ବିଧେୟକ ପାରିତ ହେବ।

15.କ୍ୱାଣ୍ଟମ କମ୍ପ୍ୟୁଟିଂର ଦ୍ରୁତ ବିକାଶ ଏବଂ ଜାତୀୟ ନିରାପତ୍ତା ଉପରେ ଏହାର ପ୍ରଭାବ ଉପରେ ନୀତି ଆୟୋଗ ଆଜି ନୂଆଦିଲ୍ଲୀରେ ଏକ ଦାତସବୀଯ ଜାରି କରିଛନ୍ତି।