2.ଆପଲର ସହ-ପ୍ରତିଷ୍ଠାତା ଷ୍ଟିଭ ଜବ୍ସଙ୍କ ପତ୍ନୀ ଲରେନ ପାୱେଲ ଜବ୍ସ ସମ୍ପ୍ରତି ମହାକୁମ୍ଭରେ ଯୋଗଦେବା ପାଇଁ ପ୍ରୟାଗରାଜ ଆସିଥିଲେ।

3.ବାଲେଶ୍ବର ଜିଲ୍ଲା ଭୋଗରାଇ ବ୍ଲକ୍ ଉଦୟପୁର-କୀର୍ତ୍ତନିଆ ସୁବର୍ଣ୍ଣରେଖା ମୁହାଣରେ ଚଳିତବର୍ଷ ଡଲଫିନ୍‌ଙ୍କ ସଂଖ୍ୟା ବୃଦ୍ଧି ପାଇଛି। ଗତବର୍ଷ ୫ଟି ଇରାବାଡ଼ି ପ୍ରଜାତିର ଡଲଫିନ୍‌ ଠାବ ହୋଇଥିବା ବେଳେ ଚଳିତବର୍ଷ ୭ଟି ଡଲଫିନ୍‌ ନଜରକୁ ଆସିଛି।

4.ଭାଗବତ କହିଛନ୍ତି,  ଆମ ଦେଶରେ ବିବିଧତାକୁ ଆମେ ଜୀବନର ଏକ ପ୍ରାକୃତିକ ଅଙ୍ଗ ଭାବରେ ଦେଖିଥାଉ । ଆପଣଙ୍କର ନିଜର ସ୍ୱତନ୍ତ୍ରତା ଥାଇପାରେ, କିନ୍ତୁ ଆପଣଙ୍କୁ ପରସ୍ପର ସହିତ ଭଲ ରହିବାକୁ ପଡିବ । ଯଦି ଆପଣ ବଞ୍ଚିବାକୁ ଚାହୁଁଛନ୍ତି, ତେବେ ଏହା ଏକ ସୌହାର୍ଦ୍ଦ୍ୟପୂର୍ଣ୍ଣ ଜୀବନ ହେବା ଆବଶ୍ୟକ । 

5.ଉତ୍ତର ଆଫ୍ରିକୀୟ ଦେଶ ସୁଦାନର ଡାର୍ଫର ଅଞ୍ଚଳର ଏଲ୍-ଫାଶରରେ ଥିବା ଶେଷ କାର୍ଯ୍ୟକ୍ଷମ ହସ୍ପିଟାଲଉପରେ ଶନିବାର ଏକ ବଡ଼ଧରଣର ଡ୍ରୋନ୍ ଆକ୍ରମଣ ହୋଇଛି । ଏହି ଆକ୍ରମଣରେ ୭୦ ଜଣଙ୍କ ମୃତ୍ୟୁ ଘଟିଥିବା ବେଳେ ଶତାଧିକ ଆହତ ହୋଇଛନ୍ତି।

6.ଲେଫ୍ଟନାଣ୍ଟ ଜେନେରାଲ ସାଧନା ଏସ୍ ନାୟାର ଏବଂ ତାଙ୍କ ପୁଅ ତରୁଣ ନାୟାରଙ୍କ ପାଇଁ ଗଣତନ୍ତ୍ର ଦିବସ ୨୦୨୫ ବହୁତ ସ୍ୱତନ୍ତ୍ର ହୋଇଯାଇଛି। ରାଷ୍ଟ୍ରପତି ଦ୍ରୌପଦୀ ମୁର୍ମୁ ୨୬ ଜାନୁଆରୀ ଅବସରରେ ଉଭୟଙ୍କୁ ସମ୍ମାନିତ କରାଯାଇଛି.।

7. ଉତ୍ତର-ପୂର୍ବ ନାଇଜେରିଆରେ ଏକ ଜିହାଦୀ ଆତ୍ମଘାତୀ ଆକ୍ରମଣରେ ଅତି କମରେ ୨୭ ନାଇଜେରିଆ ସୈନିକ ନିହତ ହୋଇଛନ୍ତି। ଆତଙ୍କବାଦୀମାନେ କରିଥିବା ଏହି ଆତ୍ମଘାତୀ ଆକ୍ରମଣରେ ଜଣେ ବରିଷ୍ଠ ସେନା କମାଣ୍ଡର ମଧ୍ୟ ନିହତ ହୋଇଛନ୍ତି ।

8.ଆମେରିକାର ଆନ୍ତର୍ଜାତିକ ବିକାଶ ଏଜେନ୍ସି (ୟୁଏସ୍ଏଆଇଡି) ବାଂଲାଦେଶରେ ଏହାର ସମସ୍ତ ସହାୟତା ଓ ପ୍ରକଳ୍ପକୁ ସ୍ଥଗିତ ରଖିବାକୁ ନିର୍ଦ୍ଦେଶ ଦେଇଛି। ଏହି ନିଷ୍ପତ୍ତିକୁ ବାଂଲାଦେଶର ୟୁନୁସ ସରକାର ପାଇଁ ଏକ ବଡ଼ ଝଟକା ଭାବେ ବିବେଚନା କରାଯାଉଛି।

9.ଓଡ଼ିଶାକୁ ବହୁମାତ୍ରାରେ ପୁଞ୍ଜିନିବେଶ ଆସୁଛି। ରାଜ୍ୟ ସରକାର ଗତ ୭ ମାସ ମଧ୍ୟରେ ୧୫୯ଟି ନିବେଶ ପ୍ରସ୍ତାବକୁ ମଞ୍ଜୁରି ଦେଇଛନ୍ତି। ଏହା ମାଧ୍ୟମରେ ୨ ଲକ୍ଷ ୭୫ ହଜାର କୋଟି ଟଙ୍କାର ନିବେଶ ରାଜ୍ୟକୁ ଆସିଛି।

10.ଦେଶରେ କାର୍‌ ବଜାରରେ ଇଲେକ୍ଟ୍ରିକ କାର୍‌ ସଂଖ୍ୟା ୨୦୨୬-୨୭ ଆର୍ଥିକବର୍ଷ ବେଳକୁ ୫ ପ୍ରତିଶତରେ ଏବଂ ୨୦୨୯-୩୦ ଆର୍ଥିକବର୍ଷ ବେଳକୁ ୯ ପ୍ରତିଶତକୁ ବୃଦ୍ଧି ପାଇବ। ବର୍ତ୍ତମାନ ଏହା ୨ ପ୍ରତିଶତରେ ରହିଛି।

11.ଗୁଜରାଟର ଜାମନଗରରେ ମୁକେଶ ଅମ୍ବାନୀଙ୍କ ରିଲାଏନ୍ସ ଇଣ୍ଡଷ୍ଟ୍ରିଜ୍‌ ଲିମିଟେଡ ବିଶ୍ବର ସର୍ବବୃହତ୍ କୃତ୍ରିମ ବୁଦ୍ଧିମତା (ଏଆଇ) ଡାଟା ସେଣ୍ଟର ସ୍ଥାପନ କରିବ। ଏହାର କ୍ଷମତା ୩ ଗିଗାୱାଟ୍‌ ରହିବ। ବିଶ୍ବରେ ଏଆଇର ଚାହିଦା ବୃଦ୍ଧିକୁ ଦୃଷ୍ଟିରେ ରଖି କମ୍ପାନି ଏଭଳି ଯୋଜନା କରିଛି।

12.ନାଇଜେରିଆରେ ଏକ ବଡ଼ଧରଣର ବିସ୍ଫୋରଣ ହୋଇଛି। ଏକ ତେଲ ଟ୍ୟାଙ୍କର ଏକକାଳୀନ ୧୭ ଗାଡ଼ିକୁ ଧକ୍କା ଦେବାରୁ ୧୮ ଜଣଙ୍କ ମୃତ୍ୟୁ ଘଟିଥିବାବେଳେ ୧୦ ଜଣ ଗୁରୁତର ହୋଇଛନ୍ତି।

13.ଆସାମର ୨ୟ ରାଜଧାନୀ ହେବ ଡିବ୍ରୁଡଗ। ଡିବ୍ରୁଗଡ଼କୁ ଆଗାମୀ ୩ ବର୍ଷ ଭିତରେ ରାଜ୍ୟର ଦ୍ବିତୀୟ ରାଜଧାନୀ ଭାବେ ବିକଶିତ କରାଯିବ ବୋଲି ମୁଖ୍ୟମନ୍ତ୍ରୀ ହିମନ୍ତ ବିଶ୍ଵଶର୍ମା ରବିବାର ଘୋଷଣା କରିଛନ୍ତି।

14.ମହାରାଷ୍ଟ୍ରରେ ପ୍ରଥମ ସନ୍ଦିଗ୍ଧ ଗୁଇଲେନ ବେୟାର ସିଂଡ୍ରୋମ(ଜିବିଏସ) ପୀଡ଼ିତଙ୍କ ମୃତ୍ୟୁ ଘଟିଛି। ଏହା ସହିତ ରବିବାର ଆଉ ନୂଆ ୨୮ ପୀଡ଼ିତ ଚିହ୍ନଟ ହୋଇଛନ୍ତି। ମୋଟ ୧୦୧ ଜଣ ଏଥିରେ ପୀଡ଼ିତ ଥିବା ଚିହ୍ନଟ ହୋଇଛନ୍ତି।

15.ଅଷ୍ଟ୍ରେଲିଆନ୍ ଓପନ୍ ୨୦୨୫ର ପୁରୁଷ ଫାଇନାଲ୍ ମ୍ୟାଚ୍ ବିଶ୍ୱ ମାନ୍ୟତାର ଶୀର୍ଷରେ ଥିବା ୟାନିକ୍ ସିନର୍ ଏବଂ ଜର୍ମାନୀର ଆଲେକ୍ଜାଣ୍ଡର ଜେଭେରେଭଙ୍କ ମଧ୍ୟରେ ଖେଳାଯାଇଥିଲା। ଏହି ମ୍ୟାଚରେ ୟାନିକ୍ ସିନର ଜିତିବା ସହ ନିଜ ଟାଇଟଲକୁ ବଜାୟ ରଖିବାରେ ସଫଳ ହୋଇଛନ୍ତି।