1.ଏକ ଦେଶ, ଏକ ନିର୍ବାଚନ' ବିଲ୍ ଜେପିସିକୁ ପଠାଯାଇଛି। ଲୋକସଭାରେ ଗୃହରେ ଏହି ବିଲ୍ ଆଗତ ପ୍ରସ୍ତାବ ସପକ୍ଷରେ ୨୬୯ଭୋଟ୍ ପଡିଥିବାବେଳେ ଏହାର ବିରୋଧରେ ୧୯୮ ‌ଭୋଟ୍ ପଡିଥିଲା।ଏହି ବିଲ୍‌କୁ ଉଭୟ ଗୃହର ମିଳିତ କମିଟି(ଜେପିସି) ନିକଟକୁ ପଠାଯାଇଛି। 

2. ନ୍ୟାଶନାଲ ଟେଷ୍ଟିଂ ଏଜେନ୍ସି (ଏନ୍‌ଟିଏ) ୨୦୨୫ରୁ ସବୁ ନିଯୁକ୍ତି ପରୀକ୍ଷା ପରିଚାଳନା କରିବ ନାହିଁ। ଏହା କେବଳ ଉଚ୍ଚତର ଶିକ୍ଷା ପ୍ରବେଶିକା ପରୀକ୍ଷା ଉପରେ ଧ୍ୟାନ କେନ୍ଦ୍ରିତ କରିବ।  

3.ଓଡିଶା  ସରକାର ୨୦୨୫ ଜାନୁଆରି ୨୮ ଓ ୨୯ରେ ଭୁବନେଶ୍ଵରରେ ଉତ୍କର୍ଷ ଓଡ଼ିଶା-ମେକ୍ ଇନ୍ ଓଡ଼ିଶା କନ୍‌କ୍ଲେଭ୍‌ ୨୦୨୫ ଆୟୋଜନ କରିବେ।

4.ଓଡିଶା ରାଜ୍ୟରେ ଥିବା ପାଞ୍ଚଟି ସ୍ଵତନ୍ତ୍ର ଅର୍ଥନୈତିକ ଜୋନ୍ (ଏସ୍‌ଇଜେଡ୍‌)ର ରପ୍ତାନିରେ ପାଞ୍ଚ ବର୍ଷ ମଧ୍ୟରେ ୧୬୯ ପ୍ରତିଶତର ବୃଦ୍ଧି ହୋଇଛି।୨୦୧୯-୨୦ରେ ଏସ୍‌ଇଜେଡ୍‌ରୁ ରପ୍ତାନି ୧୧,୬୫୫ କୋଟି ଟଙ୍କା ଥିଲା। ୨୦୨୩-୨୪ ସୁଦ୍ଧା ତାହା ୩୧,୩୩୨ କୋଟି ଟଙ୍କାକୁ ବୃଦ୍ଧି ପାଇଛି।

5.ଏକ ନୂଆ ‘ଡୁ ନଟ୍ ଡିଷ୍ଟର୍ବ’ ଆପ୍ ବିକାଶ କରୁଛି ଯାହା ଆସନ୍ତା ବର୍ଷ ସୁଦ୍ଧା ଉପଲବ୍ଧ ହେବ। ଏହି ଆପ୍ ଜରିଆରେ ଅବାଞ୍ଛିତ କଲ୍‌ ଓ ଏସ୍‌ଏମ୍ଏସ୍‌ଗୁଡ଼ିକୁ ସହଜରେ ଅଟକାଇ ହେବ।

6. ଦେଶରେ ଭୋଡାଫୋନ୍ ଆଇଡିଆ (ଭିଆଇ) ୧୭ଟି ସହରରେ ୫ଜି ସେବା ଆରମ୍ଭ କରିଛି।

 7.୬୫ ବର୍ଷ ବୟସ ଓ ତଦ୍ଦୂର୍ଦ୍ଧ୍ବ ବୟସ୍କମାନଙ୍କଠାରେ ପାରାସିଟାମଲ୍‌ର ପାର୍ଶ୍ଵ ପ୍ରତିକ୍ରିୟା ସ୍ୱରୂପ ଅନ୍ତ୍ରାଶୟ, ହୃତ୍‌ପିଣ୍ଡ ଓ ବୃକ୍‌କରେ ଜଟିଳତା ଦେଖାଦେଇଥାଏ ବୋଲି ଜଣାଯାଇଛି। ୟୁନାଇଟେଡ୍‌ କିଂଡମ୍‌ର ନଟିଂହାମ୍‌ ବିଶ୍ଵବିଦ୍ୟାଳୟର ଗବେଷକମାନେ ଚଳାଇଥିବା ଅନୁଧ୍ୟାନ ଅନୁଯାୟୀ, ଏହାର ଦୀର୍ଘକାଳୀନ ବ୍ୟବହାର ରୋଗୀଙ୍କ ଠାରେ ପାକସ୍ଥଳୀ ଘାଆ ହୋଇ ରକ୍ତସ୍ରାବ ହେବାର ଆଶଙ୍କା ବଢ଼ାଇଥାଏ।

8.ଇଣ୍ଡିଆନ୍ ମେଟାଲ୍‌ସ ଆଣ୍ଡ୍‌ ଫେରୋ ଆଲୟଜ୍ ଲିମିଟେଡ୍‌ (ଇମ୍ଫା) ଏହାର ସ୍ମେଲଟର ଲାଗି ଅକ୍ଷୟ ଶକ୍ତି ସଂଗ୍ରହ କରିବା ନିମନ୍ତେ ଜେଏସ୍‌ଡବ୍ଲୁ ଏନର୍ଜି ସହ ଏକ ଯୌଥ ଉଦ୍ୟୋଗ ଘୋଷଣା କରିଛି।

9.ସାନ୍ତାଳୀ ଭାଷା ଅଲ୍‌ଚିକି ଲିପିରେ ‘କେଜି’ରୁ ‘ପିଜି’ ପର୍ଯ୍ୟନ୍ତ ଶିକ୍ଷାଦାନ ନିମନ୍ତେ ସରକାର ଚିନ୍ତା କରୁଛନ୍ତି ବୋଲି ମୁଖ୍ୟମନ୍ତ୍ରୀ ମୋହନଚରଣ ମାଝୀ ମତବ୍ୟକ୍ତ କରିଛନ୍ତି। 

10.ଠାକରେ ପରିବାରର ମଧ୍ୟ ଉଦ୍ଧବ ଠାକରେ ଏବଂ ରାଜ ଠାକରେଙ୍କ ମଧ୍ୟରେ ବୁଝାମଣା ହେବା ନେଇ କଳ୍ପନାଜଳ୍ପନା ପ୍ରକାଶ ପାଇଛି

11.ଉତ୍ତରପ୍ରଦେଶର ନିଗୋହାନ ଅଞ୍ଚଳ ଅନ୍ତର୍ଗତ ରାମପୁର ଗ୍ରାମରେ ସମ୍ପତ୍ତି ବିବାଦକୁ ନେଇ ଜଣେ ୨୬ ବର୍ଷୀୟ ଯୁବକ ତାଙ୍କ ବାପାଙ୍କୁ ଜିଅନ୍ତା ଜାଳିଦେଇଛନ୍ତି।

12.ପୂର୍ତ୍ତ ବିଭାଗ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ରାଜ୍ୟରେ ବିଭିନ୍ନ ସ୍ଥାନରେ ଠିକାଦାରମାନେ କାର୍ଯ୍ୟ ଗୁଡିକ ନିର୍ଦ୍ଧିଷ୍ଟ ସମୟରେ ସାରିବାକୁ ନିର୍ଦ୍ଦେଶ ଦେଇଛନ୍ତି ।

13.ଚୀନର ପ୍ରତ୍ନତାତ୍ତ୍ୱିକ ଉତଖନନ ସମୟରେ ମାଟି ତଳେ ଅନେକ ବହୁମୂଲ୍ୟ ଅଳଙ୍କାର, ସୁନା ଓ ରୁପା ମୁଦ୍ରା ପୋତି ହୋଇ ରହିଥିବା ଜଣାପଡିଥିଲା। ପ୍ରତ୍ନତତ୍ତ୍ୱବିତଙ୍କୁ ମାଟି ତଳୁ ୧୦ ହଜାର ବର୍ଷ ପୁରୁଣା ଅଳଙ୍କାର ମିଳିଛି।

14.ଓଡ଼ିଆ ତଥା କଟକ ପୁଅ ଜ୍ୟୋତି ପ୍ରକାଶ ଓଝା ମ୍ୟୁଜିଜ ରିୟଲିଟି ଶୋ’ ଇଣ୍ଡିଆନ ଆଇଡଲ୍‌ରେ ଶ୍ରେଷ୍ଠ ୧୪ରେ ସ୍ଥାନ ପାଇଛନ୍ତି।

15.ଟି-ବ୍ରିଜରେ ମକର ମେଳା ପାଇଁ ଗାଡ଼ି ଚଳାଚଳ ବନ୍ଦ ରହିବ। ଜାନୁଆରୀ ୧୪ରୁ ୧୬ ଯାଏଁ ସକାଳ ୭ଟାରୁ ରାତି ୯ଟା ପର୍ଯ୍ୟନ୍ତ ଗାଡ଼ି ଚଳାଚଳ ମନା କରାଯାଇଛି.