1.ମାସାଚୁସେଟ୍ସ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (ଏମ୍ଆଇଟି) ଏବଂ କାଲଟେକ୍‌ର ପଦାର୍ଥ ବିଜ୍ଞାନୀମାନେ ପ୍ରଥମ ଥର ପାଇଁ ‘ବ୍ଲାକ୍ ହୋଲ୍ (କୃଷ୍ଣ ଗର୍ତ୍ତ)  ଟ୍ରିପଲ୍’ ପ୍ରଣାଳୀକୁ ଅନୁଧ୍ୟାନ କରିଛନ୍ତି।

2.ଭାରତର ପରବର୍ତ୍ତୀ ପ୍ରଧାନ ବିଚାରପତି  ଭାବେ ଜଷ୍ଟିସ୍ ସଞ୍ଜୀବ ଖାନ୍ନାଙ୍କୁ ଆଜି ରାଷ୍ଟ୍ରପତି ଦ୍ରୌପଦୀ ମୁର୍ମୁ ନିଯୁକ୍ତି ଦେଇଛନ୍ତି। ନଭେମ୍ବର ୧୧ତାରିଖରୁ ଏହି ନିଯୁକ୍ତି ଆଦେଶ କାର୍ଯ୍ୟକାରୀ ହେବ।

3.ବ୍ରିକ୍ସ ଶିଖର ସମ୍ମିଳନୀ ୨୦୨୪ର ଶେଷ ଦିନରେ ବୈଦେଶିକ ବ୍ୟାପାର ମନ୍ତ୍ରୀ ଏସ. ଜୟଶଙ୍କର କହିଛନ୍ତି ଯେ ଏକ ସମାନ ବିଶ୍ୱ ବ୍ୟବସ୍ଥା ସୃଷ୍ଟି କରିବା ପାଇଁ ବିଶ୍ବର ପ୍ରତିଷ୍ଠିତ ଅନୁଷ୍ଠାନଗୁଡ଼ିକରେ ସଂସ୍କାର ଆଣିବା ଆବଶ୍ୟକ ।

4.ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଜି ସକାଳେ ପୁଣି ବାତ୍ୟାର ସମୀକ୍ଷା କରିଛନ୍ତି। ଏନେଇ ସେ ଏକ ବୈଠକ କରିଛନ୍ତି। ଏଥିରେ ରାଜସ୍ବ ମନ୍ତ୍ରୀ ସୁରେଶ ପୂଜାରୀ ଓ ମୁଖ୍ୟ ଶାସନ ସଚିବ ମନୋଜ ଆହୁଜା, ପୁଲିସ ଡିଜି ଓ୍ବାଇ ବି ଖୁରାନିଆ ଓ ସ୍ବତନ୍ତ୍ର ରିଲିଫ୍ କମିସନର୍ ପ୍ରମୁଖ ଉପସ୍ଥିତ ଅଛନ୍ତି। 

5.ଗତକାଲି ମଧ୍ୟରାତ୍ରଠାରୁ ଭଦ୍ରକର ଧାମରା ଅଞ୍ଚଳରେ ବାତ୍ୟା ‘ଦାନା’ର ପ୍ରଭାବ ଦେଖିବାକୁ ମିଳିଛି। ବର୍ଷା ଓ ପବନର ବେଗ ବଢ଼ିବା ସହିତ ଗୁରୁବାର ଅପରାହ୍ଣ ସାଢ଼େ ୪ଟା ସୁଦ୍ଧା ସମୁଦ୍ର ଜୁଆର ଦେଢ଼ଫୁଟ୍‌ ବଢ଼ିଛି। ସମୁଦ୍ର ଅଶାନ୍ତ ରହିବା ସହିତ ତଟବର୍ତ୍ତୀ ଅଞ୍ଚଳରେ ଭୟର ବାତାବରଣ ସୃଷ୍ଟିହୋଇଛି।

6.ଗଞ୍ଜାମ ଜିଲ୍ଲା ପାଟପୁର ଥାନା ଅଞ୍ଚଳରେ ସଂଘଟିତ ଏକ ହତ୍ୟାକାଣ୍ଡ ମାମଲାର ଶୁଣାଣି କରି ଏଡିଜେ-୧ ଡ.ଇନ୍ଦୁ ଶର୍ମା ଅଭିଯୁକ୍ତ ତିନିଭାଇଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ସାକ୍ଷ୍ୟପ୍ରମାଣକୁ ଭିତ୍ତି କରି କୋର୍ଟ ତିନିଜଣଙ୍କୁ ଆଜୀବନ କାରାଦଣ୍ଡ ରାୟ ଶୁଣାଇଛନ୍ତି।

7.ବାତ୍ୟା ‘ଦାନା’କୁ ନେଇ ଟେଲିକମ୍ କମ୍ପାନିଗୁଡ଼ିକ ବ୍ୟାପକ ପ୍ରସ୍ତୁତି କରିଛନ୍ତି। ବାତ୍ୟା ପ୍ରଭାବିତ ଅଞ୍ଚଳର ଲୋକମାନଙ୍କ ସୁବିଧା ଲାଗି ଟେଲିକମ୍ କମ୍ପାନିଗୁଡ଼ିକ ଇଣ୍ଟରକନେକ୍ଟ ରୋମିଂ ବା ଇଣ୍ଟ୍ରା ସର୍କଲ୍‌ ରୋମିଂ କାର୍ଯ୍ୟକାରୀ କରିଛନ୍ତି।

8.କେନ୍ଦ୍ର ଆୟୁଷ ମନ୍ତ୍ରଣାଳୟ ସହଭାଗିଦାରୀରେ ‘ସ୍ୱର୍ଣ୍ଣ ପ୍ରାଶନ' ଟିକାକରଣ ଅଭିଯାନକୁ ପ୍ରୋତ୍ସାହିତ କରିବା ପାଇଁ ଏକ ବିସ୍ତୃତ ଅଭିଯାନ ଆରମ୍ଭ କରିଛି ବେଦାନ୍ତ ଆଲୁମିନିୟମ୍ । ଏହା କଳାହାଣ୍ଡିର ୧୦ଟି ବିଦ୍ୟାଳୟର ଏବଂ ୩୭୦୦ରୁ ଅଧିକ ଛାତ୍ରଛାତ୍ରୀଙ୍କ ପାଖରେ ପହଞ୍ଚିଛି ।

9.ତୁର୍କୀ ସେନା ଇରାକ ଓ ସିରିୟା ଉପରେ ଆକ୍ରମଣ କରିଛି। ରାଜଧାନୀ ଅଙ୍କାରା ସ୍ଥିତ ପ୍ରମୁଖ ପ୍ରତିରକ୍ଷା କମ୍ପାନି ତୁସାସ୍ ଉପରେ ଗତକାଲି ଆତଙ୍କବାଦୀ ଆକ୍ରମଣ ଯୋଗୁଁ ୫ ଜଣଙ୍କ ମୃତ୍ୟୁ ହୋଇଥିଲା ଏବଂ ୨୦ ଜଣ ଆହତ ହୋଇଥିଲେ।

10.ଏକ ଡିଜିଟାଲ୍‌ ଆରେଷ୍ଟ୍‌ ସ୍କାମ୍‌ରେ ଅହମଦାବାଦର ଜଣେ ବୟସ୍କ ବ୍ୟକ୍ତିଙ୍କଠାରୁ ୧.୨ କୋଟି ଟଙ୍କା ଲୁଟ୍‌ ହୋଇଛି।  ନିଜକୁ  ଜଣେ ମୁଖ୍ୟ ବିଚାରପତି, ପୁଲିସ ଅଫିସର, ସିବିଆଇ ଅଫିସର ଦର୍ଶାଇ ୪ ଜଣ ବ୍ୟକ୍ତି ଜଣେ ବୃଦ୍ଧ ବ୍ୟକ୍ତିଙ୍କଠାରୁ ଲୁଟ୍‌ କରିଛନ୍ତି।

11.ଅଜିତ ପାୱାରଙ୍କ ଏନ୍‌ସିପିକୁ  ଦଳର ଘଡ଼ି ଚିହ୍ନ  ବ୍ୟବହାର କରିବାରୁ ରୋକିବା ପାଇଁ କରାଯାଇଥିବା ଆବେଦନକୁ ସୁପ୍ରିମକୋର୍ଟ ଖାରଜ କରିଦେଇଛନ୍ତି।

12.ସୁନ୍ଦରଗଡ କଲେକ୍ଟର ଏବଂ ରାଉରକେଲା ଏଡିଏମ୍ ଦ୍ୱାରା ପ୍ରତିନିଧି ମଣ୍ଡଳୀଙ୍କ  ସହ ଇସ୍ପାତ ପ୍ରମୁଖ ପରିଚାଳନା ଏବଂ ଓଡିଶା ସରକାର (ଗୋଓ) ମଧ୍ୟରେ ଦୀର୍ଘ ସମୟ ଧରି ଆଲୋଚନା ପରେ ରାଉରକେଲା ଷ୍ଟିଲ୍ ପ୍ଲାଣ୍ଟ (ଆରଏସପି) ରାଉରକେଲା ବିମାନବନ୍ଦର ଜମି ରାଜ୍ୟ ସରକାରଙ୍କୁ ହସ୍ତାନ୍ତର କରିବାକୁ ରାଜି ହୋଇଛି।

13.କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୟ ଗୁରୁବାର ଏଠାରେ ଏକ କୋଠା ଭୁଶୁଡ଼ିବା ଘଟଣାରେ ମୃତକଙ୍କ ସମ୍ପର୍କୀୟଙ୍କୁ ପ୍ରତ୍ୟେକଙ୍କୁ 5 ଲକ୍ଷ ଟଙ୍କା ସାହାଯ୍ୟ  ଘୋଷଣା କରିଛନ୍ତି ଏବଂ ଆହତମାନଙ୍କ ସମ୍ପୂର୍ଣ୍ଣ ଚିକିତ୍ସା ଖର୍ଚ୍ଚ ସରକାର ବହନ କରିବେ ବୋଲି କହିଛନ୍ତି।

14.କୃଷକ ଏବଂ ବ୍ୟବସାୟୀମାନଙ୍କୁ ପନିପରିବା ଏବଂ ଫଳ ଗଚ୍ଛିତ କରିବାରେ ସାହାଯ୍ୟ କରିବାକୁ ଗଞ୍ଜାମ ଜିଲ୍ଲାରେ ଖୁବ୍ ଶୀଘ୍ର ୧୮ଟି ଛୋଟ ଶୀତଳ ଭଣ୍ଡାର ନିର୍ମାଣ କରାଯିବ |

15.କେନ୍ଦ୍ର ସଡକ ପରିବହନ ଏବଂ ରାଜପଥ ମନ୍ତ୍ରୀ ନିତିନ ଗଡକରୀ ଗୁରୁବାର କହିଛନ୍ତି ଯେ 7.93 ବିଲିୟନ ଡ଼ଲାର ମୂଲ୍ୟର ରୋପୱେ ଏବଂ କେବୁଲ କାର ପାଇଁ ଭାରତରେ 360 ଟି ପ୍ରସ୍ତାବ ରହିଛି।